Англияда Микель Артетанинг тўп ҳақидаги шикоятларига изоҳ беришди.
Лига кубоги ярим финалида “Ньюкасл”дан учралган мағлубиятдан сўнг (0:2) “Арсенал” бош мураббийи унинг жамоаси Пума тўплари билан ўйнашда қийналганини айтганди.
Англия футбол лигаси вакили испаниялик мутахассиснинг гапига изоҳ берди.
“Профессионал футболда кутилганидек, жорий мавсумда Лига кубогида Пума тўпи ФИФАнинг футбол сифати дастурига мувофиқ синовдан ўтказилди ва Fifa Quality Pro стандартига жавоб беради.
Лига кубогидан ташқари, худди шу тўп Европанинг бошқа йирик лигаларида, жумладан А Серия ва Ла Лигада ҳам муваффақиятли қўлланилган.
"Барча клублар бир хил тўп билан ўйнашади ва биз бу мавсумда ўтказилган 88 Лига кубоги ўйинларининг бирортасида ҳам бундай изоҳларни олмагандик", деди лига матбуот котиби.
