“Barselona” va Ispaniya terma jamoasi sobiq hujumchisi David Vilya “Oltin to‘p” sovrini xususida fikrlarini bildirdi.

Jumladan, Vilya 2024–yili “Oltin to‘p”ga Rodri loyiqligi xususidagi savolga javob berdi.

“Albatta, nima uchun sovrin unga topshirilmasligi kerak? Ammo ikkiyuzlamachilik qilmoqchi emasman – men hech qachon bu sovringa unchalik ishonmaganman. Nazarimda, sub’ektiv qaror qabul qilinadi va kim uchun ovoz berishlarini tushuna olmayman”, deydi futbolchi.

Vilya agarda unga “Oltin to‘p”ni topshirishganida faoliyatidagi eng yaxshi lahza bo‘lishi mumkinligini ta’kidladi.

“Men futbolni jamoaviy sport turi deb bilaman – albatta, statistika bor, lekin, men ‘Oltin butsa’ni ustunroq qo‘yaman. Sababi bu yerda hech qanday xato bo‘lmaydi – kim ko‘proq gol ursa, sovrin o‘shaniki”, deya qo‘shimcha qiladi ispaniyalik futbolchi.