Seshanba kuni "Lans" "Marsel"dan darvozabon Pau Lopesni sotib olish imkoniyati bilan ijaraga olinganini e’lon qildi. Va chorshanba kuni lansliklar klubi ushbu transferni bekor qilganini e’lon qildi.
Lopes mavsumning birinchi qismini ijara asosida o‘tkazgan "Jirona" futbolchini 29 yanvargacha qo‘yib yuborishdan bosh tortdi. "Lans" bu shartni nomaqbul deb topdi, shuning uchun bitim bekor qilindi.
Vaziyat juda g‘alati, chunki odatda klublar transferlar haqida barcha masalalar yopilgan va hujjatlar imzolangandan keyingina rasman e’lon qilishadi.
"Lans" ayni damda Fransiya chempionati turnir jadvalida yettinchi o‘rinda bormoqda.
