Сешанба куни "Ланс" "Марсель"дан дарвозабон Пау Лопесни сотиб олиш имконияти билан ижарага олинганини эълон қилди. Ва чоршанба куни лансликлар клуби ушбу трансферни бекор қилганини эълон қилди.
Лопес мавсумнинг биринчи қисмини ижара асосида ўтказган "Жирона" футболчини 29 январгача қўйиб юборишдан бош тортди. "Ланс" бу шартни номақбул деб топди, шунинг учун битим бекор қилинди.
Вазият жуда ғалати, чунки одатда клублар трансферлар ҳақида барча масалалар ёпилган ва ҳужжатлар имзолангандан кейингина расман эълон қилишади.
"Ланс" айни дамда Франция чемпионати турнир жадвалида еттинчи ўринда бормоқда.
