Xvicha Kvarasxeliyaning "PSJ"dagi maoshi 4 barobar oshishi mumkin.
Avvalroq, parijliklar klubi "Napoli" vingeri uchun 80 million yevro taklif qilgani ma’lum bo‘lgandi.
Insayder Fabrisio Romanoning xabar berishicha, "PSJ" gruziyalik futbolchiga Italiyada oladiganidan to‘rt barobar ko‘p maosh taklif qilmoqda. Xvicha vakillari mumkin bo‘lgan shartnoma shartlarini muhokama qilishmoqda.
Capology ma’lumotlariga ko‘ra, Kvarasxeliya "Napoli"da yiliga soliqlarsiz 2,05 million yevro (soliqlar to‘langanidan keyin 1,6 million yevro) oladi.
23 yoshli futbolchi joriy mavsum A Seriyada 17 ta o‘yinda maydonga tushib, 5 ta gol urdi va 3 ta golli uzatmani amalga oshirdi.
