Хвича Кварацхелиянинг "ПСЖ"даги маоши 4 баробар ошиши мумкин.
Аввалроқ, парижликлар клуби "Наполи" вингери учун 80 миллион евро таклиф қилгани маълум бўлганди.
Инсайдер Фабрицио Романонинг хабар беришича, "ПСЖ" грузиялик футболчига Италияда оладиганидан тўрт баробар кўп маош таклиф қилмоқда. Хвича вакиллари мумкин бўлган шартнома шартларини муҳокама қилишмоқда.
Capology маълумотларига кўра, Кварацхелия "Наполи"да йилига солиқларсиз 2,05 миллион евро (солиқлар тўланганидан кейин 1,6 миллион евро) олади.
23 ёшли футболчи жорий мавсум А Серияда 17 та ўйинда майдонга тушиб, 5 та гол урди ва 3 та голли узатмани амалга оширди.
