"Barselona" markaziy himoyachisi Ronald Arauxo klubini almashtirishga tayyor.

Avval xabar qilinganidek, kataloniyaliklar "Yuventus"ning birinchi taklifini rad etishgan. Barca Universal xabariga ko‘ra, Arauxo o‘z agenti orqali "Barselona"dan "keksa sinyora" taklifini ko‘rib chiqishni so‘ragan. Futbolchi ketishga intilmoqda, ammo "blaugrana" uni 70 million yevro evaziga qo‘yib yuboradi.

Arauxo 2018 yildan beri "Barselona"ga tegishli. 25 yoshli urugvaylik futbolchining La Liga grandi bilan amaldagi shartnomasi bir yarim yildan keyin tugaydi.

Futbolchi “Barsa” safida jami 151 ta o‘yin o‘tkazib, 8 ta gol va 6 ta golli uzatmaga mualliflik qilgan.