"Барселона" марказий ҳимоячиси Рональд Араухо клубини алмаштиришга тайёр.
Аввал хабар қилинганидек, каталонияликлар "Ювентус"нинг биринчи таклифини рад этишган. Barca Universal хабарига кўра, Араухо ўз агенти орқали "Барселона"дан "кекса синьора" таклифини кўриб чиқишни сўраган. Футболчи кетишга интилмоқда, аммо "блауграна" уни 70 миллион евро эвазига қўйиб юборади.
Араухо 2018 йилдан бери "Барселона"га тегишли. 25 ёшли уругвайлик футболчининг Ла Лига гранди билан амалдаги шартномаси бир ярим йилдан кейин тугайди.
Футболчи “Барса” сафида жами 151 та ўйин ўтказиб, 8 та гол ва 6 та голли узатмага муаллифлик қилган.
