Jud Bellingem Pablo Maffeoning Vinisius Junior haqidagi so‘zlarini esladi.

Ispaniya Superkubogi yarim finalida "Real"ga qarshi o‘yin oldidan "Malyorka" himoyachisi shunday degandi: "Men Vinisiusni 10 soniyada nokautga uchratardim. Bu tarixdagi eng ko‘p tomosha qilingan jang bo‘lishi mumkin”.

Uchrashuv madridliklarning 3:0 hisobidagi g‘alabasi bilan yakunlandi. O‘yin davomida Maffeo raqiblari bilan bir necha bor to‘qnash keldi. Ulardan biri 13-daqiqada sodir bo‘ldi - Vinisius Maffeoning ko‘kragiga tegdi, shundan so‘ng u og‘riq borligini ko‘rsatib, maydonga yiqilib tushdi.

Shundan so‘ng Jud Bellingem Maffeoga yaqinlashdi. "O‘n soniya, a? O‘n soniya boks, shunday emasmi? Qani tur, nega yiqilyapsan?!", dedi "Real Madrid" yarim himoyachisi.