"Napoli" Xvicha Kvarasxeliyaning o‘rnini bosadigan futbolchilarni qidirmoqda.
Oldinroq klub bosh murabbiyi Antonio Konte gruziyalik futbolchini klubdan qo‘yib yuborishni so‘ragani haqida xabar bergan edi.
La Gazzetta dello Sport xabariga ko‘ra, Edon Jegrova hamon jamoaning asosiy transfer maqsadi sanaladi, ammo "Lill" uni yanvarda sotishga tayyor emas.
Shuningdek, "Napoli" "Liverpul"ning asosiy tarkibiga kira olmayotgan Federiko Kyeza variantiga e’tibor qaratishi mumkinligi aytilmoqda. Kecha italiyalik futbolchi mersisaydliklar safida mavsum boshidan beri ilk golini urdi.
Qolaversa, neapolliklar yanvar oyida "Galatasaroy"ni tark etishini ma’lum qilgan Xakim Ziyeshga qiziqish bildirmoqda. 31 yoshli yarim himoyachining turk klubi bilan amaldagi shartnomasi iyun oyiga qadar mo‘ljallangan.
