"Наполи" Хвича Кварацхелиянинг ўрнини босадиган футболчиларни қидирмоқда.
Олдинроқ клуб бош мураббийи Антонио Конте грузиялик футболчини клубдан қўйиб юборишни сўрагани ҳақида хабар берган эди.
La Gazzetta dello Sport хабарига кўра, Эдон Жегрова ҳамон жамоанинг асосий трансфер мақсади саналади, аммо "Лилль" уни январда сотишга тайёр эмас.
Шунингдек, "Наполи" "Ливерпуль"нинг асосий таркибига кира олмаётган Федерико Кьеза вариантига эътибор қаратиши мумкинлиги айтилмоқда. Кеча италиялик футболчи мерсисайдликлар сафида мавсум бошидан бери илк голини урди.
Қолаверса, неаполликлар январь ойида "Галатасарой"ни тарк этишини маълум қилган Хаким Зиешга қизиқиш билдирмоқда. 31 ёшли ярим ҳимоячининг турк клуби билан амалдаги шартномаси июнь ойига қадар мўлжалланган.
