"Napoli" vingeri Xvicha Kvarasxeliya jamoadan sotilishini so‘ramagan, faqat maoshi oshirilishini xohlagan, deb xabar beradi «Geo Team».
Manbaga ko‘ra, Xvicha italyan klubidan uni sotishni talab qilmagan, faqat shartnoma shartlarini uning darajasiga mos kelishi uchun yaxshilashni so‘ragan.
Ma’lumotlarga ko‘ra, Kvarasxeliya yiliga 1,2 million yevro maosh oladi, bu "Napoli"dagi eng past maoshlardan biri.
Kecha, 11 yanvar kuni jamoa bosh murabbiyi Antonio Konte futbolchini boshqa klubga sotishni so‘raganini ma’lum qildi.
Oldinroq Kvarasxeliya "PSJ" bilan yiliga 9+2 million yevro maosh bilan shartnomani kelishib olgani ma’lum bo‘lgandi.
Joriy mavsumda Xvicha 19 uchrashuvda 5 ta gol urdi va 3 ta golli uzatmani amalga oshirdi.
