"Наполи" вингери Хвича Кварацхелия жамоадан сотилишини сўрамаган, фақат маоши оширилишини хоҳлаган, деб хабар беради «Geo Team».
Манбага кўра, Хвича итальян клубидан уни сотишни талаб қилмаган, фақат шартнома шартларини унинг даражасига мос келиши учун яхшилашни сўраган.
Маълумотларга кўра, Кварацхелия йилига 1,2 миллион евро маош олади, бу "Наполи"даги энг паст маошлардан бири.
Кеча, 11 январь куни жамоа бош мураббийи Антонио Конте футболчини бошқа клубга сотишни сўраганини маълум қилди.
Олдинроқ Кварацхелия "ПСЖ" билан йилига 9+2 миллион евро маош билан шартномани келишиб олгани маълум бўлганди.
Жорий мавсумда Хвича 19 учрашувда 5 та гол урди ва 3 та голли узатмани амалга оширди.
