"Lion" xo‘jayini Jon Tekstorning aytishicha, Fransiya klubi yarim himoyachisi Rayan Sherki bir necha yildan beri jamoani tark etishni xohlamoqda va bu klubning moliyaviy qiyinchiliklariga hech qanday aloqasi yo‘q.
"U ikki yoki uch yildan beri ketmoqchi. DNCG (Fransiyadagi professional futbol klublari hisoblarini monitoring qilish va nazorat qilish uchun mas’ul tashkilot) bunga umuman aloqasi yo‘q. O‘tgan yili u "PSJ"ga o‘tmoqchi edi, u menga xabar yubordi: "Men "PSJ"ga o‘tishni juda xohlayman," - dedi klub prezidenti.
Eslatib o‘tamiz, Fransiyaning "Lion" klubi jiddiy moliyaviy qiyinchiliklarga duch kelmoqda va hatto quyi ligaga tushirib yuborilishi ham mumkin. Muammoni hal qilishning variantlaridan biri o‘yinchilarni qishki transfer oynasida ommaviy sotishdir.
