"Лион" хўжайини Жон Тексторнинг айтишича, Франция клуби ярим ҳимоячиси Райан Шерки бир неча йилдан бери жамоани тарк этишни хоҳламоқда ва бу клубнинг молиявий қийинчиликларига ҳеч қандай алоқаси йўқ.
"У икки ёки уч йилдан бери кетмоқчи. DNCG (Франциядаги профессионал футбол клублари ҳисобларини мониторинг қилиш ва назорат қилиш учун масъул ташкилот) бунга умуман алоқаси йўқ. Ўтган йили у "ПСЖ"га ўтмоқчи эди, у менга хабар юборди: "Мен "ПСЖ"га ўтишни жуда хоҳлайман," - деди клуб президенти.
Эслатиб ўтамиз, Франциянинг "Лион" клуби жиддий молиявий қийинчиликларга дуч келмоқда ва ҳатто қуйи лигага тушириб юборилиши ҳам мумкин. Муаммони ҳал қилишнинг вариантларидан бири ўйинчиларни қишки трансфер ойнасида оммавий сотишдир.
