"Manchester Siti" Umar Marmush bo‘yicha Frankfurtning "Ayntraxt" klubiga rasmiy taklif bilan chiqdi.
Bu haqda insayder Fabrisio Romano xabar berdi. Taklif hali ham "Ayntraxt" kutganidan past, ammo klublar optimistlik bilan muzokaralar olib bormoqda.
Tomonlar kelishuvni shu hafta yakunlashga umid qilmoqda. Xabar qilinishicha, "Ayntraxt" taxminan 80 million yevro olishni kutmoqda.
Bundesliganing joriy mavsumida 25 yoshli yarim himoyachi 16 ta o‘yinda maydonga tushib, 14 ta gol urdi va 7 ta golga assistentlik qildi. U liganing ikkinchi eng ko‘p to‘purari bo‘lib turibdi.
