"Манчестер Сити" Умар Мармуш бўйича Франкфуртнинг "Айнтрахт" клубига расмий таклиф билан чиқди.
Бу ҳақда инсайдер Фабрицио Романо хабар берди. Таклиф ҳали ҳам "Айнтрахт" кутганидан паст, аммо клублар оптимистлик билан музокаралар олиб бормоқда.
Томонлар келишувни шу ҳафта якунлашга умид қилмоқда. Хабар қилинишича, "Айнтрахт" тахминан 80 миллион евро олишни кутмоқда.
Бундеслиганинг жорий мавсумида 25 ёшли ярим ҳимоячи 16 та ўйинда майдонга тушиб, 14 та гол урди ва 7 та голга ассистентлик қилди. У лиганинг иккинчи энг кўп тўпурари бўлиб турибди.
