"Vest Xem" bosh murabbiyi Grem Potter faoliyatidagi uzoq tanaffusni tushuntirdi. Angliyalik 2023 yilning aprel oyida "Chelsi"dan ishdan bo‘shatilgan va yangi ish joyiga faqat shu oydan kirishdi.
“Shvesiyadagi to‘rtinchi diviziondan tortib, Chempionlar ligasining chorak finaligacha 12 yildan beri tinimsiz murabbiylik qilayotganimni endigina angladim. Bu yo‘l o‘z izini qoldiradi. Men tanaffus kerakligini angladim va fikr yuritish, yangi narsalarni o‘rganish va boshimni tozalash imkoniyatidan foydalandim.
Mening oldingi tajribam unchalik yaxshi yakunlanmadi, lekin bu sodir bo‘ldi. Faqat to‘g‘ri imkoniyat va ishga qaytishga tayyor bo‘lgan paytni kutayotgandim. “Vest Xem” menga bunday imkoniyatni taqdim etdi. Fantastik klub, ajoyib qo‘llab-quvvatlash, katta ambisiyalar. Lekin oldinda hali ko‘p ish bor", deb Potter so‘zlarini keltiradi BBC.
"Vest Xem" seshanba kuni yangi murabbiy qo‘l ostida Premyer-liganing birinchi o‘yinida "Fulxem"ni 3:2 hisobida mag‘lub etdi.
