"Вест Хэм" бош мураббийи Грем Поттер фаолиятидаги узоқ танаффусни тушунтирди. Англиялик 2023 йилнинг апрель ойида "Челси"дан ишдан бўшатилган ва янги иш жойига фақат шу ойдан киришди.
“Швециядаги тўртинчи дивизиондан тортиб, Чемпионлар лигасининг чорак финалигача 12 йилдан бери тинимсиз мураббийлик қилаётганимни эндигина англадим. Бу йўл ўз изини қолдиради. Мен танаффус кераклигини англадим ва фикр юритиш, янги нарсаларни ўрганиш ва бошимни тозалаш имкониятидан фойдаландим.
Менинг олдинги тажрибам унчалик яхши якунланмади, лекин бу содир бўлди. Фақат тўғри имконият ва ишга қайтишга тайёр бўлган пайтни кутаётгандим. “Вест Хэм” менга бундай имкониятни тақдим этди. Фантастик клуб, ажойиб қўллаб-қувватлаш, катта амбициялар. Лекин олдинда ҳали кўп иш бор", деб Поттер сўзларини келтиради BBC.
"Вест Хэм" сешанба куни янги мураббий қўл остида Премьер-лиганинг биринчи ўйинида "Фулхэм"ни 3:2 ҳисобида мағлуб этди.
