Belarus terma jamoasi hujumchisi Trofim Melnichenko faoliyatini Portugaliyada davom ettiradi. 18 yoshli forvard Minskning "Dinamo" klubidan "Portu"ga o‘tdi, deya xabar beradi klub matbuot xizmati.
Yangi jamoada Melnichenko 43-raqam ostida o‘ynaydi. Qayd etilishicha, futbolchi "Portu B" klubida ro‘yxatdan o‘tgan.
"Men o‘z oldimga erishib bo‘lmaydigandek tuyulishi mumkin bo‘lgan yuksak maqsadlarni qo‘ydim, lekin ba’zida ular haqiqatga aylanadi. "Portu" bilan chempionlikni qo‘lga kiritmoqchiman", - deydi Melnichenko.
Joriy mavsumda hujumchi 12 ta uchrashuvda qatnashib, 2 ta golli uzatmani amalga oshirdi. U Belarus terma jamoasida bitta o‘yin o‘tkazgan.
