Беларус терма жамоаси ҳужумчиси Трофим Мельниченко фаолиятини Португалияда давом эттиради. 18 ёшли форвард Минскнинг "Динамо" клубидан "Порту"га ўтди, дея хабар беради клуб матбуот хизмати.
Янги жамоада Мельниченко 43-рақам остида ўйнайди. Қайд этилишича, футболчи "Порту Б" клубида рўйхатдан ўтган.
"Мен ўз олдимга эришиб бўлмайдигандек туюлиши мумкин бўлган юксак мақсадларни қўйдим, лекин баъзида улар ҳақиқатга айланади. "Порту" билан чемпионликни қўлга киритмоқчиман", - дейди Мельниченко.
Жорий мавсумда ҳужумчи 12 та учрашувда қатнашиб, 2 та голли узатмани амалга оширди. У Беларус терма жамоасида битта ўйин ўтказган.
