"Manchester Yunayted" hujumchisi Markus Reshfordga Angliya Premyer-ligasining yana bir top-klubi qiziqish bildirmoqda.
Avvalroq 27 yoshli futbolchiga "Tottenxem" va "Vest Xem" klublari qiziqayotgani haqida xabar berilgandi. Daily Star xabariga ko‘ra, Londonning yana bir klubi "Chelsi" ham poygaga qo‘shildi. Biroq "qizil iblislar" forvardni chempionatdagi asosiy raqiblariga qo‘yib yuborishni istamayapti.
Markus Reshfordga asosiy da’vogarlar sifatida "Milan", "Barselona" va "Borussiya Dortmund" ko‘rib chiqildi. Ayni paytda klublarning hech biri Transfermarkt portali mutaxassislari tomonidan 55 million yevroga baholangan ingliz futbolchisi borasida kelishuvga yaqin emas.













