"Манчестер Юнайтед" ҳужумчиси Маркус Рэшфордга Англия Премьер-лигасининг яна бир топ-клуби қизиқиш билдирмоқда.
Аввалроқ 27 ёшли футболчига "Тоттенхэм" ва "Вест Хэм" клублари қизиқаётгани ҳақида хабар берилганди. Daily Star хабарига кўра, Лондоннинг яна бир клуби "Челси" ҳам пойгага қўшилди. Бироқ "қизил иблислар" форвардни чемпионатдаги асосий рақибларига қўйиб юборишни истамаяпти.
Маркус Рэшфордга асосий даъвогарлар сифатида "Милан", "Барселона" ва "Боруссия Дортмунд" кўриб чиқилди. Айни пайтда клубларнинг ҳеч бири Transfermarkt портали мутахассислари томонидан 55 миллион еврога баҳоланган инглиз футболчиси борасида келишувга яқин эмас.













