"Bavariya" hujumchisi Tomas Myuller futbolchilik faoliyatini yakunlash haqida jiddiy o‘ylamoqda. Forvardning myunxenliklar bilan amaldagi shartnomasi yozda yakuniga yetadi.
"Bavariya" rahbariyati futbolchini agar u o‘ynashni davom ettirishga qaror qilsa, shartnomani uzaytirishga tayyorligini allaqachon ma’lum qilgan, biroq ayni damda futbolchi faoliyatini yakunlash arafasida turibdi.
Yakuniy qaror aprel oyida qabul qilinishi kutilmoqda. Tomas Myuller joriy mavsumda “Bavariya” safida 24 ta o‘yinda maydonga tushib, 4 ta gol urdi va 4 ta golli uzatmani amalga oshirdi.
