Norvegiyalik hujumchi Erling Xoland "Manchester Siti" bilan shartnomasini uzaytirgani haqida bayonot berdi. Futbolchi klub bilan rekord darajadagi 9,5 yillik yangi shartnoma imzoladi. U klubning eng ko‘p maosh oluvchi futbolchisiga aylandi.

"Yangi shartnoma imzolaganimdan va bu ajoyib klubda ko‘proq vaqt o‘tkazish imkoniyatiga ega bo‘lganimdan juda xursandman. "Manchester Siti" - ajoyib odamlar va ajoyib muxlislarga to‘la o‘ziga xos klub.

Men Gvardiolaga, uning murabbiylar shtabi, jamoadoshlarim va barcha xodimlarga rahmat aytmoqchiman, chunki ularning barchasi so‘nggi bir necha yil ichida menga ko‘p yordam berishdi. Ular bu klubni men uchun maxsus qilishdi. Hozir esa hamma narsaga qaramay "Siti"daman", — dedi futbolchi.

Qayd etish joiz, Xolandning transfer narxi 200 million yevroga baholanmoqda. Bugun u sayyoradagi eng qimmat futbolchilardan biri hisoblanadi.