Норвегиялик ҳужумчи Эрлинг Холанд "Манчестер Сити" билан шартномасини узайтиргани ҳақида баёнот берди. Футболчи клуб билан рекорд даражадаги 9,5 йиллик янги шартнома имзолади. У клубнинг энг кўп маош олувчи футболчисига айланди.

"Янги шартнома имзолаганимдан ва бу ажойиб клубда кўпроқ вақт ўтказиш имкониятига эга бўлганимдан жуда хурсандман. "Манчестер Сити" - ажойиб одамлар ва ажойиб мухлисларга тўла ўзига хос клуб.

Мен Гвардиолага, унинг мураббийлар штаби, жамоадошларим ва барча ходимларга раҳмат айтмоқчиман, чунки уларнинг барчаси сўнгги бир неча йил ичида менга кўп ёрдам беришди. Улар бу клубни мен учун махсус қилишди. Ҳозир эса ҳамма нарсага қарамай "Сити"даман", — деди футболчи.

Қайд этиш жоиз, Холанднинг трансфер нархи 200 миллион еврога баҳоланмоқда. Бугун у сайёрадаги энг қиммат футболчилардан бири ҳисобланади.