Xvicha Kvarasxeliya "PSJ"da tibbiy ko‘rikdan o‘tdi.
"Le Parisien" nashrining xabar berishicha, vinger Parijga payshanba kuni kechqurun yetib kelgan va bugun ertalab tibbiy markazda ko‘rikdan o‘tgan.
"Napoli" Gruziya terma jamoasi futbolchisi uchun 70 million yevro oladi va bu mablag‘ uch bosqichda to‘lanishi mumkin.
Qayd etilishicha, Italiyada Kvarasxeliya soliqlardan keyin yiliga 1,8 million yevro olgan, Fransiyada esa unga besh barobar ko‘p maosh to‘lanadi. Shartnoma 2029 yilgacha mo‘ljallangan.













