O‘zbekiston futbol assosiasiyasi birinchi vise-prezidenti Ravshan Irmatov Filippin futbol federasiyasi prezidenti Jon Entoni Gutyeres bilan uchrashdi.
O‘FA binosida bo‘lib o‘tgan uchrashuvda Ravshan Irmatov Jon Entoni Gutyeresni o‘zbek futboli tarixini o‘zida jamlagan muzey bilan tanishtirdi.
Uchrashuv davomida Filippinda o‘quv seminarlar, hakamlik bo‘yicha kurslar tashkil qilishga kelishib olindi. Shuningdek, kelgusida amalga oshiriladigan hamkorlik masalalari yuqori saviyada tashkil qilinishi ta’kidlandi.
Ma’lumot uchun, 2025 yil noyabr-dekabr oylarida Filippin mamlakati ayollar futzali bo‘yicha ilk FIFA Jahon chempionatiga mezbonlik qiladi. Jon Entoni Gutyeres O‘zbekiston ham ushbu mundialda ishtirok etishiga umid bildirdi va O‘zbekiston futzal federasiyasi tashkil qilingani alohida e’tirofga sazovor jarayon ekaninini aytib o‘tdi.
Uchrashuv yakunida, Filippin futbol federasiyasi prezidenti yurtimizga tashrifi samarali bo‘lganligi va Filippinda o‘tkazilishi rejalashtirilgan Jahon chempionatiga o‘zbekistonlik mutaxassislar ham jalb qilinishini ta‘kidladi.
