Himoyachi Abduqodir Husanovning kattalar futbolidagi ilk murabbiyi bo‘lgan Belarusning "Energetik-BGU" klubi sobiq murabbiyi Pavel Rodnyonok 20 yoshli futbolchining o‘yini haqida gapirdi. Xusanov ayni damda "Manchester Siti"ga o‘tishni yakunlamoqda.
"Tasavvur qiling: bir yigit keldi, oliy ligada o‘ynadi va keyin Fransiya chempionatiga yo‘l oldi. Tabiiyki, u rivojlandi. Siz uning qanchalar katta ish qilganini bilmaysiz.
Tushunish uchun: u ikkita mustaqil mashg‘ulot va ikkita jamoaviy mashg‘ulot o‘tkazdi. Bundan tashqari, individual darslar. Qolaversa, unga har bir uchrashuv va har bir mashg‘ulotdan so‘ng o‘zi tahlil qilgan nazariy lavhalar taqdim etildi. Bu "Energetik"da shunday yondashuv.
Kim mashg‘ulotlarga dosh bersa, o‘ynab keta oladi. Bunga chiday olmaydigan kuchsizlar esa rivojlana olmaydi" - dedi Rodnyonok.













