Ronald Arauxo "Barselona" bilan shartnomasini qanday shartlarda uzaytirishi ma’lum bo‘ldi.
Mundo Deportivo nashri xabariga ko‘ra, juma kuni Arauxo vakili va Deku o‘rtasida uchrashuv bo‘lib o‘tgan va unda urugvaylik futbolchining Kataloniya klubidagi kelajagi muhokama qilingan. Yangi shartnomadagi maoshni oshirishdan tashqari, Deku agentga Ronald Lamin Yamal, Pedri, Gavi va Pau Kubarsi singari klubning hozirgi va kelajakdagi loyihasida asosiy o‘yinchi ekanligini tushuntirdi.
"Barselona" urugvaylik futbolchi bilan 2026 yilda tugaydigan shartnomani kamida 2030 yilgacha uzaytirmoqchi. Bundan tashqari, "Barselona" taklifida egiluvchan band mavjud bo‘lib, Arauxo shartnoma uzaytirilishi mumkinligiga qaramay, agar u o‘z holatidan norozi bo‘lib qolsa, kelasi yozda jamoani tark etishiga imkon beradi.
Misol uchun, futbolchining shartnomasida Arauxo ma’lum miqdordagi o‘yinlarda qatnasha olmasa, uning tovon puli (hozirda 1 milliard yevro) klub uchun maqbul bo‘lgan bozor qiymatiga tushirilishi va "Barselona"ga yetarli miqdorda pul qoldirishi haqida band kiritilishi mumkin.
Bu shartlar Arauxoga taqdim etilgan va u ularni agenti bilan kelishib olishi kerak. Klub kelasi hafta futbolchi bilan yangi shartnoma imzolashini kutmoqda.
