Рональд Араухо "Барселона" билан шартномасини қандай шартларда узайтириши маълум бўлди.
Mundo Deportivo нашри хабарига кўра, жума куни Араухо вакили ва Деку ўртасида учрашув бўлиб ўтган ва унда уругвайлик футболчининг Каталония клубидаги келажаги муҳокама қилинган. Янги шартномадаги маошни оширишдан ташқари, Деку агентга Рональд Ламин Ямал, Педри, Гави ва Пау Кубарси сингари клубнинг ҳозирги ва келажакдаги лойиҳасида асосий ўйинчи эканлигини тушунтирди.
"Барселона" уругвайлик футболчи билан 2026 йилда тугайдиган шартномани камида 2030 йилгача узайтирмоқчи. Бундан ташқари, "Барселона" таклифида эгилувчан банд мавжуд бўлиб, Араухо шартнома узайтирилиши мумкинлигига қарамай, агар у ўз ҳолатидан норози бўлиб қолса, келаси ёзда жамоани тарк этишига имкон беради.
Мисол учун, футболчининг шартномасида Араухо маълум миқдордаги ўйинларда қатнаша олмаса, унинг товон пули (ҳозирда 1 миллиард евро) клуб учун мақбул бўлган бозор қийматига туширилиши ва "Барселона"га етарли миқдорда пул қолдириши ҳақида банд киритилиши мумкин.
Бу шартлар Араухога тақдим этилган ва у уларни агенти билан келишиб олиши керак. Клуб келаси ҳафта футболчи билан янги шартнома имзолашини кутмоқда.
