Italiya A Seriyasining 21-turida “Roma” va “Jenoa” 17 yanvar, juma kuni bahs olib bordi.

Uchrashuvning 25-daqiqasida Dovbik hisobni ochdi. 33-daqiqada mehmonlar vakili Masini hisobni tenglashtirdi.

Ikkinchi bo‘limning 60-daqiqasida El Shaaravi mezbonlarning ikkinchi goliga mualliflik qildi. 73-daqiqada Leali o‘z darvozasiga gol urib, mezbonlarning 3:1 hisobidagi g‘alabasini ta’minladi.

Ushbu g‘alabadan so‘ng, “Roma” bisotidagi ochkolar sonini 27 taga yetkazib, 9-o‘rinni egallab turibdi.

O‘zbekistonlik futbolchi Eldor Shomurodov 85-daqiqasida Dovbik o‘rniga maydonga tushdi. 9 daqiqa harakat qilgan futbolchi bir bora darvoza tomon zarba berdi. Sofascore nashri O‘zbekiston terma jamoasi sardorining o‘yinini 6,8 ballga loyiq ko‘rdi.

Mezbonlarning ikkinchi goliga mualliflik qilgan El Shaaravi portal tomonidan eng yuqori 7,9 ballga loyiq ko‘rilgan. “Jenoa” hujumchisi 7,3 ball bilan jamoasidagi eng yuqori ball olgan.

Ma’lumot uchun, “Roma” jamoasi Italiya chempionati doirasidagi navbatdagi uchrashuvini “Udineze”ga qarshi o‘tkazadi. Ushbu uchrashuv 26 yanvar kuni bo‘lib o‘tishi rejalashtirilgan.

Italiya A seriyasi, 21-tur bahsi
17 yanvar, juma
“Roma” — “Jenoa” 3:1
Gollar: 1:0—Dovbik (25), 1:1—Mazini (33), 2:1—El-SHaaravi (60), 3:1—Leali (73, avtogol).
“Roma”: Svilar, Ndika, Hummels (Pizilli, 76), Manchini, Anxelino, Pellegrini (El Shaaravi, 46), Paredes, Kone, Salemakers (Chelik, 76), Dovbik (Shomurodov, 85), Dibala (Sule, 84).
“Jenoa”: Leali, Aaron Martin, Vaskes, Bani (Sabelli, 32), de Vinter, Mazini, Frendrup, Miretti (Kasa, 85), Torsbyu (Exator, 68), Zanoli (Venturino, 68), Pinamonti.
Ogohlantirishlar: Vaskes (18), Paredes (56).