Италия А Сериясининг 21-турида “Рома” ва “Женоа” 17 январь, жума куни баҳс олиб борди.

Учрашувнинг 25-дақиқасида Довбик ҳисобни очди. 33-дақиқада меҳмонлар вакили Масини ҳисобни тенглаштирди.

Иккинчи бўлимнинг 60-дақиқасида Эл Шаарави мезбонларнинг иккинчи голига муаллифлик қилди. 73-дақиқада Леали ўз дарвозасига гол уриб, мезбонларнинг 3:1 ҳисобидаги ғалабасини таъминлади.

Ушбу ғалабадан сўнг, “Рома” бисотидаги очколар сонини 27 тага етказиб, 9-ўринни эгаллаб турибди.

Ўзбекистонлик футболчи Элдор Шомуродов 85-дақиқасида Довбик ўрнига майдонга тушди. 9 дақиқа ҳаракат қилган футболчи бир бора дарвоза томон зарба берди. Sofascore нашри Ўзбекистон терма жамоаси сардорининг ўйинини 6,8 баллга лойиқ кўрди.

Мезбонларнинг иккинчи голига муаллифлик қилган Эл Шаарави портал томонидан энг юқори 7,9 баллга лойиқ кўрилган. “Женоа” ҳужумчиси 7,3 балл билан жамоасидаги энг юқори балл олган.

Маълумот учун, “Рома” жамоаси Италия чемпионати доирасидаги навбатдаги учрашувини “Удинезе”га қарши ўтказади. Ушбу учрашув 26 январь куни бўлиб ўтиши режалаштирилган.

Италия А серияси, 21-тур баҳси
17 январь, жума
“Рома” — “Женоа” 3:1
Голлар: 1:0—Довбик (25), 1:1—Мазини (33), 2:1—Эл-Шаарави (60), 3:1—Леали (73, автогол).
“Рома”: Свилар, Ндика, Ҳуммелс (Пизилли, 76), Манчини, Анхелино, Пеллегрини (Эл Шаарави, 46), Паредес, Коне, Салемакерс (Челик, 76), Довбик (Шомуродов, 85), Дибала (Суле, 84).
“Женоа”: Леали, Аарон Мартин, Васкес, Бани (Сабелли, 32), де Винтер, Мазини, Френдруп, Миретти (Каса, 85), Торсбю (Эхатор, 68), Заноли (Вентурино, 68), Пинамонти.
Огоҳлантиришлар: Васкес (18), Паредес (56).