Xavyer Estrada Fernandesning fikricha, "Barsa" "Xetafe"ga qarshi o‘yinda penaltiga loyiq edi.
Uchrashuvning 80-daqiqasida “Barselona” himoyachisi Jyul Kunde va “Xetafe” yarim himoyachisi Krizantos Uche burchak to‘pi tepilish vaqtida to‘qnashib ketishdi.
Uche qo‘llari bilan Kundeni yiqitmoqchi bo‘ldi. Uchrashuv bosh hakami Pablo Gonsales Fuyertes voqeada qoidabuzarlik yo‘q degan qarorga keldi.
“Bu aniq penalti. Men Gonsales Fuyertesning nima uchun qoidabuzarlikni ko‘rmagani va VAR hech qanday chora ko‘rmaganini tushunmadim", – dedi Estrada.













