"Manchester Yunayted" futbolchisi Antoni "Betis"ga o‘tishga roziligini bildirdi.

Biroz avvalroq ma’lum bo‘lishicha, klublar braziliyalik futbolchini ijaraga olish borasida kelishib olishgan.

Endilikda insayder Fabrisio Romanoning xabar berishicha, "Betis" vingerning o‘zi bilan kelishuvga erishgan - hamkorlikning barcha tafsilotlari hal bo‘lgan.

24 yoshli futbolchi mavsumning qolgan qismini ispan jamoasida o‘tkazadi. "Manchester Yunayted" va "Betis" shu haftada Antoni uchun ijara shartnomasini yakunlamoqchi.

Tez orada muzokaralarning yakuniy bosqichi bo‘lib o‘tadi, unda yakuniy rasmiyatchiliklar hal qilinadi.