Madridning “Real” klubi hujumchisi Kilian Mbappe “Las-Palmas” ustidan qozonilgan g‘alabadan so‘ng (4:1) jurnalistlar bilan suhbatlashdi.
Fransiyalik futbolchi ikkita gol urib, La Liga uchrashuvi qahramonlaridan biriga aylandi. Hujumchining yana bir goli ofsayd tufayli inobatga olinmadi.
"Superkubok finalidagi mag‘lubiyatdan so‘ng ("Barselona"ga 2:5) odamlar norozi bo‘lishdi, ammo bu normal holat.
"Real"da o‘ynasang, har bir o‘yinda g‘alaba qozonishing kerak. "Real" – dunyoning eng yaxshi klubi. Bu yerda o‘ynagan har bir futbolchi yetakchi hisoblanadi.
Biz yagona maqsad yo‘lida birlashganmiz - bu mavsumda barcha mumkin bo‘lgan sovrinlarni yutamiz", - deya Mbappening so‘zlarini keltiradi Madrid Zone.
