Мадриднинг “Реал” клуби ҳужумчиси Килиан Мбаппе “Лас-Пальмас” устидан қозонилган ғалабадан сўнг (4:1) журналистлар билан суҳбатлашди.
Франциялик футболчи иккита гол уриб, Ла Лига учрашуви қаҳрамонларидан бирига айланди. Ҳужумчининг яна бир голи офсайд туфайли инобатга олинмади.
"Суперкубок финалидаги мағлубиятдан сўнг ("Барселона"га 2:5) одамлар норози бўлишди, аммо бу нормал ҳолат.
"Реал"да ўйнасанг, ҳар бир ўйинда ғалаба қозонишинг керак. "Реал" – дунёнинг энг яхши клуби. Бу ерда ўйнаган ҳар бир футболчи етакчи ҳисобланади.
Биз ягона мақсад йўлида бирлашганмиз - бу мавсумда барча мумкин бўлган совринларни ютамиз", - дея Мбаппенинг сўзларини келтиради Madrid Zone.
