"Tottenxem" bu mavsumda ko‘pincha o‘z muxlislarini mag‘lubiyat bilan xafa qilmoqda. Yakshanba kuni "shporlar" safarda "Everton"ga 2:3 hisobida imkoniyatni boy berdi. Ijtimoiy tarmoqlarda tribunadan olingan video paydo bo‘ldi. Unda London jamoasi sardori Son Xyon Min final hushtagidan so‘ng "Tottenxem" muxlislariga yaqinlashib, yomon natija uchun uzr so‘ragani ko‘rsatilgan.
"Tottenxem" ayni damda Angliya Premyer-ligasi turnir jadvalida atigi 15-o‘rinni egallab turibdi. Keyingi turda Ange Postekoglu shogirdlari o‘z maydonida "Lester"ni qabul qiladi. Ammo bungacha "shporlar" Yevropa ligasi umumiy bosqichining 7-turida "Xoffenxaym"ga qarshi bahs olib boradi.
