"Тоттенхэм" бу мавсумда кўпинча ўз мухлисларини мағлубият билан хафа қилмоқда. Якшанба куни "шпорлар" сафарда "Эвертон"га 2:3 ҳисобида имкониятни бой берди. Ижтимоий тармоқларда трибунадан олинган видео пайдо бўлди. Унда Лондон жамоаси сардори Сон Хён Мин финал ҳуштагидан сўнг "Тоттенхэм" мухлисларига яқинлашиб, ёмон натижа учун узр сўрагани кўрсатилган.
"Тоттенхэм" айни дамда Англия Премьер-лигаси турнир жадвалида атиги 15-ўринни эгаллаб турибди. Кейинги турда Анге Постекоглу шогирдлари ўз майдонида "Лестер"ни қабул қилади. Аммо бунгача "шпорлар" Европа лигаси умумий босқичининг 7-турида "Хоффенхайм"га қарши баҳс олиб боради.
