"Monako" "Manchester Yunayted" hujumchisi Markus Reshford uchun kurashda davom etmoqda.
Liga 1 klubining ingliz futbolchisiga qiziqishi shu oy boshida OAVda xabar qilingandi, ammo mish-mishlar tezda barham topdi. The Sun Football xabariga ko‘ra, "Monako" hali ham Reshfordni ijaraga olishga umid qilmoqda va mavsum oxirigacha uning maoshining asosiy qismini - ehtimol hammasini ham qoplashga tayyor. Forvardning o‘zi faoliyatini davom ettirish uchun ushbu variantga qiziqadimi yoki yo‘qligi noma’lumligicha qolmoqda.
"Barselona" va Dortmundning "Borussiya" klublari so‘nggi kunlarda Markus Reshfordni qo‘lga kiritish uchun favorit sifatida e’tirof etildi. 27 yoshli futbolchining "Manchester Yunayted" bilan shartnomasi 2028 yilgacha mo‘ljallangan.
