"Real" hujumchisi Kilian Mbappe "Qirollik klubi"dagi o‘yinini bir so‘z bilan sarhisob qildi. Fransiyalik futbolchi Madridda bo‘lishini "orzu" deb atadi.

"Real Madrid"da o‘ynash - bu orzu. Har kuni mashq qilish, Bernabeuda o‘ynash, bu futbolkani kiyish... Bu orzu! Meni tanqid qilishganida ham gap muxlislar yoki “Real” haqida emasligini bilardim. Yomon o‘ynaganimda faqat o‘zim aybdorman", - dedi Mbappe.

Mbappe joriy mavsumda barcha turnirlarda 29 ta o‘yin o‘tkazib, 17 ta gol urdi va 3 ta golga assistentlik qildi. Futbolchining klub bilan amaldagi mehnat shartnomasi 2029 yilning yoziga qadar tuzilgan.