"Реал" ҳужумчиси Килиан Мбаппе "Қироллик клуби"даги ўйинини бир сўз билан сарҳисоб қилди. Франциялик футболчи Мадридда бўлишини "орзу" деб атади.
"Реал Мадрид"да ўйнаш - бу орзу. Ҳар куни машқ қилиш, Бернабеуда ўйнаш, бу футболкани кийиш... Бу орзу! Мени танқид қилишганида ҳам гап мухлислар ёки “Реал” ҳақида эмаслигини билардим. Ёмон ўйнаганимда фақат ўзим айбдорман", - деди Мбаппе.
Мбаппе жорий мавсумда барча турнирларда 29 та ўйин ўтказиб, 17 та гол урди ва 3 та голга ассистентлик қилди. Футболчининг клуб билан амалдаги меҳнат шартномаси 2029 йилнинг ёзига қадар тузилган.
