Madridning “Real” klubi hujumchisi Kilian Mbappe Fransiya terma jamoasiga bo‘lgan munosabati haqida gapirdi. Eslatib o‘tamiz, 2024 yilning noyabrida forvard Millatlar ligasi o‘yinlariga terma jamoaga chaqirilmagandi.
"Fransiya termasi bilan hech qanday muammom yo‘q. Mart oyida u yerga qaytishni kutaman. Fransiyaga bo‘lgan muhabbatim o‘zgarmadi, men o‘z mamlakatimga jahon chempionatiga chiqishda yordam bermoqchiman", - dedi Kilian.
Mbappe joriy mavsumda barcha turnirlarda 29 ta o‘yin o‘tkazib, 17 ta gol urdi va 3 ta golga assistentlik qildi. Futbolchining klub bilan amaldagi mehnat shartnomasi 2029 yilning yoziga qadar tuzilgan.













