Мадриднинг “Реал” клуби ҳужумчиси Килиан Мбаппе Франция терма жамоасига бўлган муносабати ҳақида гапирди. Эслатиб ўтамиз, 2024 йилнинг ноябрида форвард Миллатлар лигаси ўйинларига терма жамоага чақирилмаганди.
"Франция термаси билан ҳеч қандай муаммом йўқ. Март ойида у ерга қайтишни кутаман. Францияга бўлган муҳаббатим ўзгармади, мен ўз мамлакатимга жаҳон чемпионатига чиқишда ёрдам бермоқчиман", - деди Килиан.
Мбаппе жорий мавсумда барча турнирларда 29 та ўйин ўтказиб, 17 та гол урди ва 3 та голга ассистентлик қилди. Футболчининг клуб билан амалдаги меҳнат шартномаси 2029 йилнинг ёзига қадар тузилган.
