Dortmundning "Borussiya" jamoasi yaxshi taassurot qoldirmayapti va hozirda Germaniya chempionati turnir jadvalida bor-yo‘g‘i o‘ninchi o‘rinni egallab turibdi. Jurnalist Florian Plettenbergning ijtimoiy tarmoqlarda xabar berishicha, Sebastyan Xyoness yozda "arilar"ni qabul qilishi mumkin. Nuri Shahin iste’foga chiqqan taqdirda u asosiy nomzodlardan biri hisoblanadi.
Qayd etilishicha, "Borussiya" Xyonessning "Shtutgart" bilan shartnomasida 7-8 million yevro evaziga sotib olish variantini faollashtirishi mumkin. Ayni vaqtda mutaxassisga "Leypsig" va "Bayer" klublari ham qiziqish bildirmoqda.
Leverkuzenliklar Sebastyanni Xabi Alonso "Real"ga o‘tsa, uning o‘rniga munosib nomzod sifatida ko‘rishlari mumkin.
