Bugun qishki o‘quv-mashg‘ulot yig‘inini o‘tkazish uchun Turkiyaning Antaliya shahriga uchib ketadigan «Bunyodkor» bosh jamoasi murabbiylar shtabida italiyalik mutaxassislar ish boshladi.
Jismoniy tayyorgarlik bo‘yicha murabbiy Alessandro Spinoglio muxlislarimizga yaxshi tanish. Mutaxassis o‘tgan mavsumning ikkinchi qismidan boshlab «Bunyodkor»da faoliyat yuritib keladi. Murabbiyning yarim yillik faoliyati rahbariyat va bosh murabbiyga ma’qul keldi va shu bois u bilan tuzilgan shartnoma o‘zaro kelishuvga ko‘ra uzaytirildi.
Shuningdek, Karlo Alberto Bertone va Andres Karlo Moauro ham faoliyatini «Bunyodkor» bilan bog‘ladi. Karlo Alberto tahlilchi vazifasini bajarsa, Andres Moauro futbolchilarning jismoniy tayyorgarligiga javob beradi. Spinogliodan farqli ravishda Moauro futbolchilar bilan yakka tartibda shug‘ullanadi.
Ma’lumot uchun
ALESSANDRO SPINOGLIO
Tug‘ilgan sanasi: 27.06.1980
Fuqaroligi: Italiya
Lavozimi: jismoniy tayyorgarlik bo‘yicha murabbiy
KARLO ALBERTO BERTONE
Tug‘ilgan sanasi: 26.01.1994
Fuqaroligi: Italiya
Lavozimi: tahlilchi
ANDRES KARLO MOAURO
Tug‘ilgan sanasi: 19.08.1993
Fuqaroligi: Italiya
Lavozimi: jismoniy tayyorgarlik bo‘yicha murabbiy
