Бугун қишки ўқув-машғулот йиғинини ўтказиш учун Туркиянинг Анталия шаҳрига учиб кетадиган «Бунёдкор» бош жамоаси мураббийлар штабида италиялик мутахассислар иш бошлади.
Жисмоний тайёргарлик бўйича мураббий Алессандро Спиноглио мухлисларимизга яхши таниш. Мутахассис ўтган мавсумнинг иккинчи қисмидан бошлаб «Бунёдкор»да фаолият юритиб келади. Мураббийнинг ярим йиллик фаолияти раҳбарият ва бош мураббийга маъқул келди ва шу боис у билан тузилган шартнома ўзаро келишувга кўра узайтирилди.
Шунингдек, Карло Алберто Бертоне ва Андрес Карло Моауро ҳам фаолиятини «Бунёдкор» билан боғлади. Карло Алберто таҳлилчи вазифасини бажарса, Андрес Моауро футболчиларнинг жисмоний тайёргарлигига жавоб беради. Спиноглиодан фарқли равишда Моауро футболчилар билан якка тартибда шуғулланади.
Маълумот учун
АЛEССАНДРО СПИНОГЛИО
Туғилган санаси: 27.06.1980
Фуқаролиги: Италия
Лавозими: жисмоний тайёргарлик бўйича мураббий
КАРЛО АЛБEРТО БEРТОНE
Туғилган санаси: 26.01.1994
Фуқаролиги: Италия
Лавозими: таҳлилчи
АНДРEС КАРЛО МОАУРО
Туғилган санаси: 19.08.1993
Фуқаролиги: Италия
Лавозими: жисмоний тайёргарлик бўйича мураббий
