Ruben Amorim "Manchester Yunayted" uy o‘yinlari oldidan asabiylashayotganini tan oldi.
23 yanvar kuni ingliz klubi Yevropa ligasi doirasida o‘z maydonida Shotlandiyaning "Reynjers"i bilan o‘ynaydi.
"Mehmonda o‘ynashdan ko‘ra ko‘proq asabiylashamiz. Sababi uydagi beshta o‘yinning to‘rttasida mag‘lub bo‘ldik. Men o‘ylayotgan birinchi narsa, birinchi navbatda gol urishimiz kerak. Birinchi bo‘lib gol ursak, vaziyatni o‘zgartirib, o‘z uyimizda yaxshiroq o‘ynashni boshlashimiz mumkin.
O‘ylashimcha, biz juda asabiymiz va "Old Trafford"da o‘ynash tobora qiyinlashib bormoqda", - dedi "Manchester Yunayted" bosh murabbiyi Ruben Amorim.
