Yevropa futbolida Chempionlar ligasi guruh bosqichining yettinchi tur uchrashuvlari bo‘lib o‘tmoqda, “Liverpul” o‘z maydonida “Lill”ni qabul qildi va 2:1 hisobida g‘alaba qozonishga muvaffaq bo‘ldi.
Shu tariqa, fransuz klubining 21 o‘yindan iborat ajoyib mag‘lubiyatsiz seriyasi to‘xtatildi. Gap, albatta, "Lill"ning barcha turnirlarda o‘tkazgan o‘yinlari haqida ketmoqda.
Fransuzlar oxirgi marta 13 sentyabr kuni milliy chempionatda “Sent-Etyen”ga yutqazishgandi – 0:1.
"Lill" hozirda Liga 1da uchinchi o‘rinni egallab turibdi. Klub oxirgi marta 2021 yilda Fransiya chempionligini qo‘lga kiritgan.
