Европа футболида Чемпионлар лигаси гуруҳ босқичининг еттинчи тур учрашувлари бўлиб ўтмоқда, “Ливерпуль” ўз майдонида “Лилл”ни қабул қилди ва 2:1 ҳисобида ғалаба қозонишга муваффақ бўлди.
Шу тариқа, француз клубининг 21 ўйиндан иборат ажойиб мағлубиятсиз серияси тўхтатилди. Гап, албатта, "Лилл"нинг барча турнирларда ўтказган ўйинлари ҳақида кетмоқда.
Французлар охирги марта 13 сентябрь куни миллий чемпионатда “Сент-Этьен”га ютқазишганди – 0:1.
"Лилль" ҳозирда Лига 1да учинчи ўринни эгаллаб турибди. Клуб охирги марта 2021 йилда Франция чемпионлигини қўлга киритган.
